عبد الفتاح جوادي يدخل على خط قضية الفنانة دنيا بطمة وهذا ما قاله
عبد الفتاح جوادي يدخل على خط قضية الفنانة دنيا بطمة وهذا ما قاله
دخل الفنان المغربي، عبد الفتاح جوادي على خط الجدل الذي رافق خبر رفض المحكمة لطلب النقض الذي تقدمت به الفنانة دنيا بطمة، فيما يخص قضية “حمزة مون بيبي”.
ونشر جوادي مقطع فيديو عبر حسابه الشخصي بموقع التواصل الاجتماعي “إنستغرام”، قال فيه: “حنا تنبغيو نحطمو الانسان اللي باغي ينجح وباغي يوصل، علاش؟”.
وتابع: “علاش حنا فالمغرب كاين حرب بين بعض الفنانين، واحد باغي يطيح لاخور، هادشي ماكاينش فالبلدان المتقدمة، فالبلدان لي الفنانين ديالها باغين الخير لبلادهم، وخير دليل الموضوع ديال دنيا بطمة لي وليت تنشوف شي تعليقات فيه كمية غير معقولة ديال الحقد والغل، حشومة وعيب وعار”.
وأضاف المتحدث ذاته: “خاصنا نهزوا بالفن والفنانين ونعطيو قيمة للفنانين المغاربة راه تيبدلو مجهود كبير، وميستهلوش هاد الكمية من الحقد والغل راه وليت تنشوف شي حوايج عيب ومخاصهاش تكون”.
وأردف: “حتى لو كانت هاد السيدة غالطة، المسامح كريم، ربي وكيسامح عاد حنا ما نسامحوش”.
