شيرين عبد الوهاب تخرج عن صمتها “حسام حبيب هو أكتر حد أذاني”
شيرين عبد الوهاب تخرج عن صمتها “حسام حبيب هو أكتر حد أذاني”
قامت الفنانة شيرين عبد الوهاب بالكشف عن أن طليقها المطرب حسام حبيب، تسبب في الأذى الكبير لها، وهذا بعدما استمر في استفزازها حتى حلقت رأسها، وقالت “أنا أصريت فيما بعد على تقديم حفل وأنا حليقة الرأس حتى لا تتعرض بناتي لعقدة”.
وقالت شيرين عبد في مداخلة هاتفية في برنامج “كلمة اخيرة”، وهو الذي تقدمة الإعلامية لميس الحديدي على قناة أون، وقالت “تأذيت من نفسي أني طلعت أغني وشكلي كده بس أنا قوية وبتحمل ومكنش فيه حاجة ممكن أعملها عشان بناتي، لما رجعنا بعد الطلاق البائن نقض عهده وعاد لممارساته مرة أخرى وبدأوا البنات يشوفوا نفس الخناقات ونفس التصرفات وكان بيدخل في كل شيء وكل صغيرة وكبيرة لأنه إنسان فاضي معندوش شغل”.
وأضافت شيرين قائلة “كرهني في عيشتي وبناتي.. وقت حلاقتي لشعري هو السبب فيها جالي في فندق الفورسيزون وقتها وأتخانق معايا وصالحني وقلتله إمشي دلوقتي لحد ما أهدى لكنه أصر على البقاء وقلي إنزلي معايا دلوقتي للمأذون عشان نطلق وقلتله يعني أنا شيرين عبد الوهاب أبقى نازلة في أوتيل أنزل بقميص نوم عشان أتطلق .. طيب ماتروح ياعين أمك تجيب الماذون في الاوتيل أو تقف زي الرجالة وتقلي إنتي طالق وتمشي لكنه رفض وظل يستفزني لحد ماحلقت شعري بالماكينة”.
